Bigarren sailkatuak Lasesarre bisitatzen du
07 Apirila 2017
Partidu zaila dauka Prosetecnisa Zuazok asteburu honetan bigarren sailkatuaren aurka. Atletico Guardes taldeak Lasesarre bisitatuko du larunbat honetan 18:30etatik aurrera. Laugarrena eta bigarren aurrez aurre. Ikusteko partidua izango da eta ziur zaletuek dena emango dutela, izan ere galiziarrak ere bere zaletuen babesa jasoko dute, zaletuz beteriko autobus bat dakarte eta. Aukera paregabea du taldeak berriz ere Lasesarren bere maila emateko. Denboraldiko lehen zatian erakutsitako maila berreskuratu nahi du etxean Juanjo Gonzalezen taldeak.
Zuazo Alcobendasen partidu on bat egitetik dator, baina badaki Galiziarrei irabazteko gehiago egin behar dela. Hemendik eta denboraldi bukaera arteko helburua argia da, laugarren postua mantentzea edota zergatik ez, hirugarrena lortzea.
21. Jardunaldia, Loterias Liga
Prosetecnisa Zuazo-Atlético Guardés (Lasesarre Kiroldegia)
Larunbata, Apirilak 8, 18:30etan.