Gol baten faltan geratu da Zuazo
22 Otsaila 2018
26-22 irabazi dio Zuazok Maviri baina ez du azken faserako sailkatzea lortu.
Ezin izan du Hotel Gran Bilbao-Prosetecnisak bere helburua lortu. Barakaldarrak 26-22 nagusitu dira Mavi Nuevas Tecnologías taldearen aurka baina ez dira sailkatu apirilean Malagan jokatuko den Erreginaren Kopako azken faserako. Etxetik kanpo asturiarrek gol gehiago sartu dituzte (joanekoan 24-20) eta ondorioz pasea beraientzat izan da, abantaila berdina bai baina gol gehiago sartu dituztelako. Ikuskizun ederra izan da eta 800 zaletu elkartu dira Lasesarren.
Juanjo Gonzalezen taldeak partidu oso ona jokatu du, eta nahiz eta helburua ez lortu, aurretik dituzten partiduak jokatzeko konfiantza eman diezaiokete. Gaurkoan denboraldiko talde onenetariko bati egin diote aurre. Horrez gain, Renata Lauis atezainaren itzulera izan dute, bigarren zatian geldiketa ikusgarriak burutu dituelarik.
Partiduan zazpi gol sartu dituen goleatzaileak ez du asmatu amaieran eta partidua 26-22 bukatu da. Bukatu da Kopa eta orain ligan eta laugarren postuan kontzentratu beharra daukate.