Irabazteko beharra dauka Leioa WLB-k derbian
22 Azaroa 2018
Leioarrek Waterpolo 98´02 talde nafarra izango dute aurkari (larunbata, 18:00etan). Azken porrotak jasan eta gero irabazteko beharra dute bizkaitarrek.
Bizkaitarrak eta Nafarrak irabazteko gogoz lehiatuko dira larunbatean beraien azken partiduak galdu ondoren.
Leioak joko ona erakutsi du azken jardunaldietan baina sailkapeneko lehen bi sailkatuak izan ditu aurrean, Boadilla eta Catalunya urrenez urren, eta ezin izan dute irabazi.
Ez da sekretu handirik espero derbi honetan, izan ere talde biek Irailean jokatutako EH Superkoan elkarren aurka jokatu zuten eta baita Leioako Gabon Kopan ere. Hori gutxi balitz, talde nafarraren aurkezpenean ere bertan izan ziren Leioarrak. Hiru partidu hauetako bi bizkaitarrek irabazi zuten eta bestea nafarrek. Gainera aurre-denboraldian elkarrekin aritu izan dira lanean.
Leioa WLB taldea Catalunyaren aurka galdutako eraso eraginkortasuna berreskuratzen saiatuko da, non taldeko goleatzaile askok ez zuten bere eguna izan.
Partidua jarraitzeko esteka: https://rfen.es/es/tournament/696708/match/74540484/results