Leioa WLB-k azken unean galdu du Catalunyaren aurka
07 Azaroa 2017
Ia partidu osoan zehar aurretik joan ziren Leioarrak, baina azken minutuetan bi puntuko errenta galdu ostean CN Catalunya nagusitu zen 14-13.
Leioa WLB taldeak 14-13 galdu zuen Catalunyaren aurka, lehen mailako hirugarren jardunaldian. Partidu ona espero zen, erakargarria, eta talde biek ez zuten hutsik egin. Zaletuek partidu bikainaz gozatzeko aukera izan zuten.
Lehendabiziko zartakoa Leioak eman zuen, baina etxekoak gehiago asmatu zuten hasierako minutuetan, 3-1 aurretik jartzea lortu zutelarik. Lehen laurdenera 3-3 iritsi ziren, bizkaitarrak markagailua irauli ondoren.
Bigarren laurdenean, partiduko momenturik beroenak iritsi ziren. Erritmo bizia izan zen bi ateetan, eta golak ugariak izan ziren. Leioak 3-6ko partziala lortu zuen laurden honetan, atsedenaldira 3-6 iritsiz.
Atsedenalditik bueltan, Catalunyak galdutakoa berreskuratzen saiatu zen eta pixkanaka Leioak behera egin zuen, 9-9 jarri zirelarik.
Gauzak txarto zeudela zirudienean, Leioarrek abantaila lortu zuten, 10-12 eta 11-13. Orduan Kataluniarren momentu magikoak iritsi ziren, markagailua berdinduz eta azken minutuan Mackenzie Mone Ipar-Amerikarraren jokaldi bikain bati esker azken 14-13koa ezarri zutelarik. Leioa esku-hutsik bueltatu zen.
Denboraldiko lehen porrota jaso du Leioak eta lidertza galtzea suposatu dio. Orain Catalunya da sailkapenaren buru.
Partiduaren fitxa: http://www.rfen.es/publicacion/waterpolo/asp/ficha.asp?cod=18001