Zuazo Emakumezko Eskubaloi Taldearen Aurkezpena
31 Abuztua 2018
Atzo goizean 2018-2019 denboraldiko kamiseta berrien aurkezpena burutu zen.
Babesle nagusia den Gran Bilbao Hotelean burutu zen ekitaldia eta bertan izan ziren Klubeko lehen taldeko jokalariak, Zuzendaritza, entrenatzailea eta bere lantaldea eta baita Jorge Alvarez , HGB-ko zuzendaria. Hummel etxetik Antonio Palomo ordezkaria hurbildu zen.
Komunikabide ugari hurbildu zen ekitaldira eta Ainhoa Hernandez kapitaina, Nayla de Andres, Maddi Aaalla eta Laura Muñiz aritu ziren modelo lanetan.
Iazko denboralditik ona aldaketa txikiak izan dira ekipazioan. Bigarren janzkeran eman da aldaketa nagusia . Hummel etxe danimarkarrak kolore deigarrien aldeko apustua egin du elastiko honetarako eta aurkezpenean bildu zirenei oso asko gustatu zitzaien.
Kamiseta horrekin jokatuko du aurreneko partidua talde bizkaitarrak. Sagunton jokatuko den partiduan BM Morvedre izango dute aurkari eta zuzenean ikusi ahalko da Teledeporte katean.
Lehen taldeko hurrengo zita Irailaren batean izango da. Trapagaraneko jaien barruan lagunarteko partidua jokatuko dute Errioxako Sporting-en aurka.
Bukatzeko, azken astean taldearen aurkezpena burutuko da komunikabideen aurrean. Ekitaldi hau Barakaldoko “Puerta de Bilbao” Hotelean ospatuko da.
