Zuazok garaipenaren bidea berreskuratu du
19 Martxoa 2018
Bizkaitarrek 19-22 irabazi diote BM Castellón taldeari.
Liga Guerreras Iberdrolako hemeretzigarren jardunaldian denboraldiko hamargarren garaipena lortu dute Hotel Gran Bilbao-Prosetecnisa Zuazoko jokalariek. Asko sufritu dute, izan ere lehen zatian ez dira oso fin ibili. Laugarren eta bosgarren postuan dauden Mavi eta Aula Valladolid taldeak, bi eta lau puntura daude hurrenez urren.
Taldeko bost jokalari Espainiako selekzioekin jokatzeko deituak dauden bitartean, gainontzekoek apirilaren 4ean jasoko duten Rocasa liderraren bisita prestatzen dabiltza. Partidu hori aste bete aurreratzen da kanariarrek Europan jokatuko duten kanporaketa dela eta.
